細籌謀。
（長平一才微笑口古）周世顯，語雲天有不測風雲，比如你對於呢一陣狂風，又有何感受呢？
（世顯口古）宮主，世顯為表明心跡，願把詩酬。
（介）（吟詩白）合抱連枝倚鳳樓，人間風雨幾時休，在生願作鴛鴦鳥，到死如花也並頭。
（長平讚介白）好句。
（滾花下句）亂世姻緣要經風雨，得郎如此復何求，生時不負樹中盟，又何必張惶驚日後。
（白）你們下去。
（世顯白）謝宮主。
（與周鍾辭別下介）
（昭仁執長平手親熱口古）王姐呀王姐……周世顯首詩好就好叻，不過意頭呢就曳到極，你想下，佢對住顆樹話，到死如花也並頭，我有乜法子唔替王姐你擔心日後呢。
（長平口古）二妹，你咪咁傻女啦，夫妻係重情義架，就算我日後要同駙馬佢雙雙死於含樟樹下，（一才）我都對天無怨，對地無尤架。
（昭仁嗔白）王姐，咁唔利是既野我真係唔準你講呀。
（長平一笑白）傻女……（滾花下句）風雨難搖連理樹，任得那文鸞啣去鳳彩球。
（排子頭一句） （六朝臣上排朝介）
（周後，袁妃分邊伴崇禎王介）
（崇禎中闆下句）宮中悶飲嘆時艱，戰耗驚傳拋玉盞，祇剩得兩行酸淚伴龍顏，此日乾清百官仝懶散，唉登臨怕上兔兒山。
（滾花）養文官，帷幄嘆無謀，豢武夫，沙場難勇猛。
（埋位分邊一望輕輕拍枱嘆息介）
（後妃分邊伴坐）
（周後口古）主上，今日雖然事無可為，但仍可閉關自守，太子亦已經撫軍南京，永王，定王亦由臣妾交與嘉定伯周奎暫時收養，你重何必黯然長嘆呢？
（崇禎口古）唉梓童，孤王一生所愛就係一個年方十五嘅長平宮主，怕隻怕天禍紅顏。
（周後白）主上，（滾花下句）禮部為長平選駙馬，文鸞七百，選中太僕男，昨日曾覲五鳳樓，未知長平能否垂青盼。
（崇禎滾花下句）帝女貌美如花艷，但如花命薄都是紅顏，倘覓得東君著意憐，仗護有人孤也可愁略減。
（周鍾上介快滾花下句）帝花香滿含樟樹，周郎幸未嘆緣慳，飄搖風雨鳳求凰，回奏君王諧奠雁。
（入三呼萬歲介）