，周世伯。
（周鍾暍白）園外何人哭叫？
（王祥報白）啟稟老爺，門外有瘋顛漢子欲沖門而進。
（周鍾喝白）你把他帶進來。
（世顯哭叫白）周世伯，（悲咽口古）周世伯，因為十日兵困皇城，我今日至到嚟揾你咋，我知道宮主嘅屍骸畀你抱左噃嚟，究竟你安葬響邊度，你話我知啦，我要取回桐棺，開墳掘塚。
（周鍾口古）世顯你嚟遲左叻，無錯，你聽我講啦，宮主系就系死而復生，（一才）但系又生而複死番，（—才）我萬不能被世人知道宮主死因嘅，唉，總之就系死左叻，你何必問底查蹤。
（世顯口古）世伯，我都唔知你講乜野，又話死而複，生而複死，你究竟講乜架，你快的畀噃個屍骸我，好待我把香煙供奉。
（周鍾口古）唉，世顯，第弍個死左都重有屍首可尋，宮主死左已經下留痕跡，佢有一封遺書寫落，
（一才另場白）咦衣開頭個兩句，萬不能畀佢過目嘅，等我撕左一半先，（對世顯介）嗱，我依照佢遺書十個字，已經將佢個屍骸葬落江海之中。
（世顯接遺書重一才沉痛讀白）望屍沉海底，存貞自毀容。
徽妮絕筆。
（哭相思介）（乙反中闆下句）鮫骨末夾灰，明珠已沉江海，恨無路求張羽，煮海再相逢，宋玉楚江悲，血花磨墨賦招魂，怕哭斷九廻腸，難覓泉台鳳，巢覆卵無存，國破家何在，生離愁疊疊，死別恨重重。
（滾花）我願能殉國更殉情，取義更酧鶼鸚夢。
（欲撞樹死介）
（寶倫，瑞蘭分邊攔住介）（寶倫口古）周世顯，你殉情還殉情，你何必死在桃苑之中，令我父子受世人譏諷。
（瑞蘭口古）駙馬爺，你唔死得嘅，想先帝遺骸尚停放在茶庵之內，倘若駙馬死後，又有誰哭祭呢？何況有情生死能相會，無情對面不相逢。
（周鍾白）瑞蘭，你同佢講咐多做乜嘢呢，乜你地死親都走人嚟我度死架，呢度死慣人嘅咩，張千送客，（暗作驅逐狀介）
（張幹應命將世顯推下介）（瑞蘭口古）亞爹，我唔想響呢處住叻，我想搬去紫玉山房，遠避紅塵，清廉自奉。
（周鍾晦氣白）唉吔，有毛有翼咯，去啦，你一生皮氣都衰到行人同嘅。
（寶倫歎息滾花下句）傷心碎了連城璧，更無餘術可攀龍。
（同下介）