崇禎將你終身撫養。
（長平強笑白）謝皇上。
（故意關目口古）噯，皇上，我都經已拜上金階，何以未見你頒下詔書，更未見你劈開金鎖呢，哎呀皇上，我而家不禁悲從中起，我的眼淚都忍唔住咯，我一喊親，怕隻怕會震朝房。
（欲哭介）
（清帝愕然略驚向長平搖手介）
（周鍾口古）皇上，係呀……係呀……我地宮主真係笑緊都可以喊架，你何不頒下詔書，以慰的遺臣所望呢。
（寶倫口古）係囉，皇上，想太子年方十二，縱使潛龍出海，亦未必會騰達飛翔。
（清帝快滾花下句）今朝莫說前朝事，隻求撮合鳳諧凰。
（世顯大滾花下句）先皇未葬弟霸囚，宮主呀你何妨悲聲放。
（長平哭白）罷了先王，君父，母後呀。
（快中闆分邊向群臣哭著下句唱）哀聲放，帝女哭朝房，血淚如潮腮邊降，且向乾清再悼亡，憶舊讎翻血賬，遺臣三百聽端詳，當日賜紅羅擲在金階上，母後與袁妃痛懸樑，劍橫揮，血濺黃金帳，殺得個昭仁宮主怨父王。
（滾花）你地莫戀新朝棄舊朝，我再哭鳳台聲響亮。
（執世顯哭叫白）罷了先王，母後，駙馬。
（當長平唱時，內場有沉痛反應暗湧介）
（世顯白）宮主……
（清帝向向周鍾寶茅介白）拉開佢地……（周鍾寶倫分邊拉開長平世顯介）
（清帝白）好啦。
（滾花下句）我忙忙寫下安陵詔。
（交太監，太監即下）我怕你哭聲向外揚，宮主一哭撼帝城，我忙把前朝世子放。
（太監帶上太子上介長平世顯分邊跪擁太子，太子亦居中跪下快哭相思）
（長平痛哭滾花下句）弟郎你投懷莫聚倫常愛，且去杭州會福王，自有香魂一縷暗追隨，你在離懷莫向宮庭望。
（清帝白）沈卿家，你帶前朝世子去上駟院吩咐兵部派人馬，護送此子杭州便了。
（昌齡攜太子什邊下，太子下時一路哭叫王姊）
（清帝口古）嘻嘻。
。
。
長平宮主，你所要求既事我都同你做完叻，你應該與駙馬立刻成婚，免負兩旁既儀杖。
（長平口古）唉，長平仲焉敢再逆皇上諭旨呢，難得你答允我，將花燭筵設在月華宮外，個處雖是花無並蒂，但係樹有含樟。
（清帝點頭答應白）孤皇自當準奏，吩咐動樂。