阿姐唔笃府浪姓啥？公館勒啥場化？格位是唔笃少奶奶呢？還是姨太太介？” 阿金道：“ 問俚啥佬？倪來燒香還願，用 勿着查三問四 。
”香火聽說，料定是做生意的，故又笑嘻嘻問道：“ 我問聲終勿差勒海，阿姐實梗兇 。
” 阿金道：“ 眼烏珠啥勿生格呢？倪末姓胡，住勒三馬路浪，勿是啥格公館，亦勿是少奶奶、姨太太，倪叫俚大先生格，難末 阿明白格來介？”
香火道：“怪哉怪哉。
我聽說 仔姓胡。
要向 打聽一個人勒來，也住勒唔笃近段，格名字叫胡寶玉，想必 終認得格 ？” 阿金道：“ 問俚啥事體佬？”香火道：“我細細教告訴，前頭我一徑勒蘇州做生意，終歸弄勿落，格落到仔三月裡，要想來投奔俚格，倒是我勿認得俚格面孔，俚勿認得我格形狀，亦呒不熟人指引通信，所以我 敢走得去，恐怕俚當我打脫帽，送我到巡捕房裡去末哪哼嗄！後來虧得碰着仔一個朋友，薦我到間搭來做香火，真真呒設法呀。
” 阿金道：“ 我還要問 ，‘ 胡寶玉’三個字， 哪哼撥 曉得格呢？” 香火道：“ 我起初隻曉得林黛玉，是倪娘告訴我格。
以後娘死仔，亦聽見别人說，胡寶玉就是林黛玉改格名字，改仔好幾年哉。
軋實到底阿對格佬？” 阿金聽了，仍不說穿，又道：“對是對格，不過 搭寶玉啥稱呼？關點啥格親？ 末姓啥叫啥？原底仔啥場化人？說得明明白白，我替 去通信阿好？” 香火急忙稱謝道：“ 多謝多謝，真真菩薩保佑，今朝碰着 阿姐格種好人，肯搭我通一個信，得能夠吃一碗現成飯，我終勿忘記 ，供 長生祿位格。
” 阿金道：“ 太噜哩噜嗦哉，毫燥點說罷。
”
香火方一一訴說道：“我姓杜，叫阿二，原本浦東人，登勒蘇州毛十年，格落口氣變格哉。
倪爺叫杜式明，做箍桶匠格，老早死脫仔末，倪娘守勿住，拿我抛脫勒屋裡，就姘仔一個姓潘格。
當時我小來，才勿曉得。
直到後來隔仔十幾年，倪娘回到屋裡，難末說起勒上海，養過一個囡魚，故歇賣撥勒堂子裡，取名叫林黛玉，我得着一筆身價，終算老死盤纏有格哉。
想，照實梗說法，我搭寶玉，雖勿是同一個爺，到也是一個娘養出來格，總算稱得嫡親兄妹，不過 碰歇頭。
扳要伸說明白仔末，好投奔俚。
”阿金道：“ 吓有實梗格情節勒海！格末老實對 說仔罷，格位就是寶玉先生。
我末登勒俚身邊，伏侍俚格，停歇替 傳仔信，俚聽勿聽，認勿認，才勿關得我事，碰 自家格額角頭， 怪我說得勿道地就是哉。
”兩人說話才畢，那邊阿珠走過來催道：“ 格香火倒少格，香燭末勿點，阿是講閑話講忘記哉！阿金姐， 格胃口真好，格種人，搭俚攀談啥呢？”阿金置之不答，仍交代香火道：“ 先去點香燭罷，讓倪先生拜過仔佛，我好傳格句閑話 。
”香火阿二唯唯答應，登時将香燭點好，請寶玉拜佛。
寶玉正在那裡疑惑，因見阿金與香火講了良久的話，無如立得稍遠，一句都沒有聽清楚，正不知所為何事，大約這個香火與阿金素來認識的，怎想到是自己一母所生的哥哥？
閑文少叙。
是時寶玉拜過了佛，看香火化過了元寶、錢糧，正待向各處随喜一回方始回去，阿金忽将他衣服拉了一拉，湊着耳朵，低聲相告，将方才香火杜阿二所說的情由，細細訴了一遍。
寶玉聽說娘已去世多年，不免灑了幾點眼淚，因他說話對同，知非捏造，便道：“有介事格。
奴小格辰光，亦聽見倪阿媽講歇細底，前頭養過兩個男，大格老早就死，第二格勒浦東鄉下，雖則末勿見過，算上去年紀亦對格。
故歇去搭俚說，叫俚明朝到奴屋裡來末哉。
” 旁邊阿珠插嘴道：“ 大先生， 終要當面盤駁清爽格，皆為世界浪壞人多，作興