商量格， 究竟以為哪哼嗄？啥一句才勿回答介？”阿金道：“ 我格大先生吓，我勸去格好，如果去仔，碰勿着俚末哪哼？就算俚一尋就着，俚倒忘記脫仔倪哉，勿搭 要好，阿要弄得勿尴勿尬介？況且現在間搭生意來得格興旺， 甩脫仔勒到格搭去末，阿可惜嗄？雖則倪到仔京裡也要做點生意，勿見得坐吃格，不過現鐘勿撞，倒去巴望賒帳，隻怕終有點勿穩格 。
” 寶玉不等他說完，便插嘴道：“ 奴到格搭去做生意，原是帶腳罷哉，亦勿想啥發大财佬，奴格心裡，軋實單為仔俚呀，俚搭奴格情義，實梗深法，别人才比勿上格，格格辰光才勒 眼睛骨裡 。
後來俚進京去，約奴一年後再見，勿是俚來，定是奴去，奴皆為呒不空工夫，格落耽擱下來格。
故歇奴去尋俚，一定搭奴要好，勿會忘恩負義，弄得奴尴尴尬尬格，所以奴放心托膽，敢闖到京裡去走一埭。
”
阿金道：“唔笃前頭格情義，看是看見格，不過大先生 終有點一相情願勒海，阿曉得眼下格時世，靠勿住格人實在多，嘴裡說得蠻蠻好，心裡其實約約乎，況且格套戲子，愈加靠勿住，格落我勒裡勸 ，去仔勒懊悔，懊悔是來不及格 。
大先生，格格穩瓶阿要 捏哉。
” 寶玉不悅道：“管穩瓶打碎勿打碎，奴終決勿懊悔格，去仔好，是奴格命，去仔勿好，亦是奴格命，有啥要緊嗄？至于眼門前生意，可得可失，才勿勒奴心浪，下埭回轉來，怕道呒不佬，要 可惜煞哉？” 阿金道：“大先生問仔我，格落我說格，我勒裡想，間搭上海場化，頂頂鬧猛，各處格人才有格，難信道除脫仔俚，一個才呒不好格，闆要到京裡去看俚，俚真真變仔活寶貝哉。
”寶玉道：“ 勿實梗講格，‘ 麻油拌青菜，各人心愛’，奴随便哪哼，一定要尋着仔俚，難末奴心死得來。
”阿金聽了，曉得勸之無益，我何必再做戆人，徒然惹他動怒呢？即便改了口氣道：“大先生要去末，倪阿敢攔當嗄？但是現在二月裡，天還勿哪哼暖熱，我看三月裡動身末最好。
大先生 想阿對呢勿對佬？” 寶玉點頭稱是。
阿珠不甚明白，正想動問赴京之故，忽來了幾位客人，當時暫将此事不言。
晚上阿金方細細告訴阿珠，阿珠亦不以為是，然知寶玉去志已堅，也不便再勸了。
這幾十天，别無緊要書說。
忽忽已至三月初旬，寶玉取曆本觀看，揀定十四開日動身。
屈指尚有十天，然此刻衆客面前猶未吐露，惟那日喚秀林進房，說明赴京一節，并囑我去之後，論不定一年兩載歸來，汝不妨自開門戶，獨做生涯。
好在豔史列名，聲譽漸播，斷不如從前寂寞