十幾歲的小女兒，送至三馬路來，請寶玉細細揀選。
無如佳者十不得一，一連數天，看得寶玉厭煩起來，吩咐那班送來的人道：“唔笃要揀好格末送得來，奴價錢倒勿算格，大點也呒啥，格套邱貨，哪哼會看得中呢？倒勿如免仔點罷。
”那班人聽了這幾句話，果然數日不來，都向各處去搜求了。
忽一日，阿金有個親戚，叫做周家姆，也是開過堂子的，現在雖已歇業，卻有三四個讨人，隻剩一個沒有租出，年紀最小，正當學習彈唱之時，隻因自己年老多病，所以聞得寶玉購買，肯出善價，特托阿金介紹，自願割愛，将這小女兒帶到寶玉那裡。
寶玉見了，甚為合意，因他品格清秀，态度輕盈，與月仙不相上下，問他多少歲數？彈唱可曾學過？他不待周家姆代言，自己便回答道：“奴今年十四歲哉，曲子學過仔兩個月，會仔七八隻，故歇倪先生還勒浪教奴勒呀。
” 寶玉聽他口舌靈便，言語清澈，依稀小鳥依人，着實令人可喜，便回頭問周家姆道：“格格小娘魚倒還呒啥， 阿是勒蘇州買得來格介？” 周家姆道：“ 俚軋實是蕩口人，舊年冬裡，俚格舅母（讀姆） 帶上來賣撥我格，故歇因為我年紀老哉，管顧勿到，格落我想轉賣脫俚呀。
大先生如果看得中，真真俚格福氣哉。
”寶玉又問道：“ 周家姆， 要幾化身價，老老實實說末哉，不過十二分大，奴也出勿起格 。
” 周家姆道：“大先生亦要客氣哉，俚格身價，我舊年買下來格辰光，勿到三百塊洋钿，後來為仔俚身浪，請先生教曲子，加二俚生仔一場病，倒甩脫仔幾化洋钿笃，故歇 大先生看得中末，身價随便末哉，我決勿争論格。
”寶玉聽他口氣，大約至少要五六百元，但未讨定實價，怎好還他數目？
正要啟口複問，見阿金走至房門跟首，向周家姆招了一招手，周家姆即便起身跟了出來。
阿金低聲說道：“倪大先生歡喜直爽格，問 要幾化身價， 勿論大罷小罷，盡管老實說，勿要緊格。
再勿然末， 對我說仔軋實價錢，讓我傳言撥倪大先生，省得 吞吞吐吐哉， 想阿好？” 周家姆道：“勿是啥我吞吞吐吐，我皆為自家本錢大仔點落，勿好意思讨實足價錢，照我格心裡末，勿瞞 金姐說，加點虛頭要讨一千，起碼盤子，至少七百塊洋钿，再少要蝕本格哉。
也曉得我格，我勿為自家年紀老仔點，我落裡舍（讀曬）得賣脫俚嗄？” 阿金點點頭，說道：“ 請外頭坐歇，讓我進去搭大先生說仔，回覆 哇。
” 說着，便至裡邊