生喊我，阿有啥事體佬？”寶玉連聲“喔唷”，低低的說道：“奴難過煞勒裡，剛剛未冷煞快，故歇末身浪熱得呒成，賽過像火燒實梗，一點汗才呒不， 來摸摸奴看 。
”阿金伸手在寶玉額上一摸，驚訝道：“阿呀！大先生，格寒熱燙得勒，實頭受仔寒哉 ！頭裡阿痛？肚皮裡阿難過？停停阿要請一個郎中來看看，吃兩帖藥，散散風寒罷！” 寶玉點點頭，又道：“倒是嘴裡燥得勒，獨想要吃茶， 搭奴倒兩碗來 。
”
說着，卻巧阿珠走了進來，聽得寶玉的病情，不等阿金答應，忙倒了兩碗茶，雖是隔夜的，卻還溫熱，送到床前，将茶碗湊至寶玉嘴邊。
寶玉一連飲盡，稍比方才清爽些，問阿金道：“ 說請郎中，去請啥人介？上海好格少
！”阿金道：“ 要麼去請陳曲江格兄弟陳笃卿罷，總算有點名氣格。
歸搭格套孟河郎中，終也 請，全本是江湖訣，架子末蠻大，一副像煞有介事格面孔。
别人告訴俚病情，俚連搭理才勿搭理，把過仔脈，一聲也勿問，别人勿曉得格，還贊俚有本事，指（ 讀接） 頭底下，已經明白格哉。
軋實開出來格方子，差勿多才是一靠輩格，勿管 啥格病，第一樣藥，老調用南北沙參，餘外大半是勿去病勿喪命格藥，呒不大病吃仔呢，還好；若然風火症候，請仔俚 來，一定要誤事格。
而且還有一樣惹氣：開好仔方子， 問俚阿好吃幾帖，俚終起碼要說十帖八帖笃，因為除脫格張老方子，俚亦換勿出幾化藥格，格落病情才勿敢問，要别人多吃兩帖原方，就為格格道理，勿然，撥别人要掂穿斤兩格 。
若換仔間搭格郎中，巴勿得病人來轉方，多看兩埭，多點生意，俚笃勿實梗打算格，所以看俸極大，門診至少一元兩元，多則四元五元，出診格行（ 讀杭） 情，更加放屁，終要十塊念塊洋錢笃，遠要加倍，早要加倍，晏亦要加倍，比仔此地格郎中，一邊請一埭，一邊好請十埭得來。
想阿犯着請俚，拿自家格性命，撥俚弄白相相格嗄？”
寶玉在枕上聽他一大篇議論，不禁微笑道：“說是說得勿差，不過搭孟河郎中亦勿是冤家，啥落能格刻毒，拿俚格西洋鏡才說穿，要害俚呒不飯吃格 。
”阿金道：“我格外公，就撥俚吃殺格呀，我末恨俚。
自有格種勿要性命格，相信得像仙人一樣，吃壞仔才勿敢怪俚，倒怪自家格病生差格來。
我恐怕 大先生亦相信俚，吃俚笃格戳頭，格落細細教告訴。
”
阿珠插嘴道：“ 格閑話有點勿對笃，一個孟河郎中，吃殺仔唔笃外公，就算俚呒本事，勿見得個個勿好， 一洗帚豁殺仔十八個蟑螂格 。
我勸講哉，如果撥俚笃聽見仔，要恨 壞俚笃格名譽，尋着 起來，看 哪哼嗄！”阿金道：“着急，有我勒裡，況且倪登勒房裡說，俚笃 生啥順風耳（讀議）朵，勿會聽見格，就算我大張曉谕，逢人告訴，再勿然，登仔申報罵俚笃，俚笃格生意終歸勿要緊格，到底相信格人多，說起來大官大府，還當俚笃大好老得來，哪哼會呒本事呢？格落倪說俚幾幾化化邱話，賽過牆頭浪榻石炭，白說脫格，落裡能夠帶壞俚格牌子嗄？”