阿珠道：“我倒要扳駁 來，前年仔，我登勒一家人家，有一位小姐犯仔痨病，足有半年外勢哉，請過仔幾化有名氣格本地郎中，吃過仔百十帖藥，一點效驗才呒不。
後來親眷笃薦一個孟河郎中來，名字末我勿記得，勿知姓馬呢姓費，看仔三埭，吃仔十幾帖藥，就漸漸能格好哉。
實梗看起來，本事比間搭格大 ？ 倒說俚勿好，批榻得一錢勿值？我着實有點勿服辣笃。
不過看俸末忒大，窮人 想請得起。
就是格浪末，連我也派俚擔差，要說俚心狠哉。
我格論頭，阿公平勒勿公平？ 倒說一聲看。
”阿金道：“ 格說法，像煞蠻公平，其實内堂中格道理， 明白勒海來，我若然再搭 辯，隻少要争快哉，請 免仔點罷。
”
阿珠聽了，不禁臉上一紅，還想要說他幾句，卻被寶玉阻止道：“唔笃兩家頭，隻管講勿完格哉，郎中好勿好，關倪啥事？就算論得公平，别人亦勿見得聽唔笃格。
俗語有一句，說‘麻油拌青菜，各人心愛’。
相信末請仔俚；勿相信末拉倒，辯俚作啥，奴亦 請啥孟河郎中，有本事也罷，無本事也罷，徒然講仔半日，害奴心裡煩煞快，勿顧奴勒裡頭疼腦脹，獨趁自家高興，充做假内行（ 讀杭），真真鬼相打難為病人哉！” 阿金、阿珠聽得寶玉埋怨，彼此瞅了幾眼，阿珠趁此取了茶壺，下樓泡茶去了。
其時衆人都知寶玉身子不好，秀林先進房問候，無非幾句老套話兒，又問郎中請那一個，寶玉道：“郎中末 去請，害裡笃格嘴倒拌幹格哉。
”秀林不明白這句話是說那個的，阿金答道：“是倪勿好，響哉。
請問大先生，到底阿是請陳笃卿佬？”寶玉點點頭，阿金即忙取了号金，去請笃卿，不表。
少時阿金回來，禀覆寶玉道：“号金末五十六，看俸轎金末，一共兩洋八百。
因為生意好，出診多，格落要四五記鐘勒來。
還算路近落 。
”寶玉怕煩不答。
阿金又道：“大先生， 阿要先吃點辟瘟丹？作興是吞痧也未可知格。
”秀林亦說試試，好得辟瘟丹這樣藥，是有益無損的。
寶玉道：“倪故歇阿有勒裡？阿曾用完格來？皆為格樣藥，别人家格勿靈，闆要胡慶餘堂，從杭州寄下來格。
如果呒不末，唔笃到雷允上去買一瓶行軍散末哉。
”阿金道： “ 有勒裡，有勒裡。
不過隔仔一年，吃仔阿有用格來？”寶玉道：“倪放得好，勿出氣、勿潮、勿黴，就隔兩年也呒啥要緊。
去拿出來看 。
”
秀林插嘴道：“ 格格辟瘟丹，阿就是舊年夏裡向，胡大少送撥倪格佬。
”阿金搶着答道：“ 蠻對蠻對。
慶餘堂是胡雪岩開格，合格藥格外道地。
據說辟瘟丹當中，要用一條四足蛇格，格格蛇極少，而且闆要出勒上天竺山浪，格末好入藥格，外加拜三日大悲忏，格落吞痧吃仔，靈得呒淘成笃。
舊年夏裡，送脫仔幾萬塊，真真大好事 。
胡士誠是俚格阿侄，代理分送别人，所以撥間搭勿少，我當寶貝實梗藏起來格呀，哪哼會出氣着潮嗄！”寶玉道：“ 亦要長舌頭哉，秀林問仔 一聲，惹仔 一坑，講煞講勿完格哉， 搭奴毫燥點拿出來罷，阿曉得奴故歇肚裡難過煞勒裡呀！”阿金方才答應